بصمات
في روبوكون أسيوط
من طرف لما نجى نصمم روبوت فى ميكانزمات كتير بنحتاجها علشان يقدر الروبوت ده يحقق الهدف اللى اتصمم علشانه و من اهم الميكانزمات ديه : -
v القاعده وليها انواع مختلفة منها
1- عجلتين قائدتين وعجلتين حرين .
وده شكلها
2- اربع عجلات.
وديه بتكون زى كده
بس فى النوع ده بنحتاج امكانيات اكتر زى مثلا
- 4 موتور .
- 2 موتور .
- 2 مخفض سرعات .
3- عجلتين حرين.
تانى ميكنزم يمكن بنستخدمه كتير فى روبوكون
v السليد او الاكستينشن ( (slid or extension mechanism
- النوع الاول زيادة الطول على مرحلة واحدة
وفى النوع ده زياده الطول مرة وحده بس نخلى بالنا ان هنا الزيادة فى الطول حتكون محدوده بطول الروبوت فى الوضع الابتدائى ليه .
- النوع الثانى زياده الطول على عده مراحل
وفى النوع ده فى حاجتين مختلفين
لاحظ وضع الحبل – الوير- والنوع الاول بيسموه المتصل والتانى اسمه الشلال
ونلاحظ انه فى النوع الاول (المتصل):-
- انه المرحلة الاخيرة حترتفع ثم السفلى فى النهايه.
- الشد فى الحبل اخف.
- لكن توجيه الحبل معقد اكتر.
- النوع الثالث ارتفاع المقص
مميزاته أنه فى الوضع الابتدائى بيكون الارتفاع صغير جدا , اما بالنسبه لعيوبه ان المفروض الميكانزم يكون تقيل لدرجة تكفى اتزانه وانه لا يستحمل احمال جانبيه ولازم يكون معمول بدقه عاليهوكل ما الارتفاع بيزيد الاستقرار بيقل ؛ وعلشان كل الاسباب ديه يفضل عدم استخدامه .
وفى الموضوع ده فى شوية حاجات لازم نخلى بالنا منها
- ان الميكانزم يتحرك بسهوله فى الاتجاهين فوق وتحت .
- الحبل – الوير – يكون نظيف واذا كان من النوع المغطى بطبقة بلاستيك شفافة يكون افضل,او ان يكون هوه نفسه بلاستيك اذا كان الحمل عليه خفيف.
- اذا كان فيه سلك مثلا مرتبط بالاعلى يبقى لازم نعمل حساب طول زيادة للسلك حسب وضعه بعد الزياده فى الطول للروبوت.
- التاكد ان اجزاء الميكانزم تتحرك بحرية لانها اذا كانت بتتحرك بصعوبه ده ممكن ياثر على الموتور او على الميكانزم نفسه.
- نحاول نقلل الميل بين اجزاء الميكانزم لانى ده حيسبب مشاكل كتيرة فيه وممكن يخليك تجرب اكتر من ميكانزم و تفتكر ان الفكرة ديه غلط ويكون السبب اصلا فى وجود ميل ؛ وموضوع الميل ده ممكن تختبره بحاجة اسمها ( الميزان )
- زود نسبة الطول للجزء المشترك بين كل جزئين لانه ده حيخلى الميكانزم قوى اكتر.
- نختار نوع سليد يكون وزنه خفيف .
