Robocon Assiut

مرحبا بك عزيزي الزائر في منتدي روبوكون اسيوط
يمكنك التسجيل للمشاركة

روبوكون 2014 Robocon Egypt


    ادوات ميكانيكا

    شاطر

    reham mustafa
    عضو في روبوكون
    عضو في  روبوكون

    انثى عدد المساهمات : 10
    نقاط : 21
    تاريخ التسجيل : 25/08/2010
    العمر : 28

    ادوات ميكانيكا

    مُساهمة من طرف reham mustafa في الأربعاء سبتمبر 01, 2010 8:37 pm

    بسم الله الرحمن الرحيم



    علشان نقدر نعمل اى ميكانزم من الميكانزمات اللى بتكون الروبوت بالتاكيد فى ادوات بنستخدمها فى المعمل ؛ وفى معمل روبوكون فى دولاب خاص بادوات الالكترونيات اللى بنستخدمها فى عمل الدوائر ودولاب تانى خاص بادوات ميكانيكا.

    طيب هوه دولاب ادوات ميكانيكا فيه ايه ؟

    1. الشنيور :- وده الحاجه اللى بنتقب بيها الامونيتال علشان نقدر ندخل مسمار مثلا يربط بين جزئين

    وده شكله كده


    وبنستخدم مع الشنيور حاجه اسمها بنطه هى ديه اللى بتدخل فى الامونيتال وبتتقبه ؛ ونخلى بالنا انه فى المعمل فى نوعين من البنط منهم نوع للخشب غالبا ده مش بنستخدمه والنوع التانى البنط العاديه وبنستخدمها على حسب قطر التقب اللى عايزينه فحنلاقى منها اقطار مختلفه , والبنطه بتسمى بقطرها ففى بنطه 5,3,4,..... واكتر حاجه بنستخدمها فى معمل روبوكون بنطه 4 لاننا بنستخدم مسمار 4 ؛ يعنى تقب قطره 4 مم.

    والبنط شكلها كده



    ولما نستخدم الشنيور حنلاحظ انه بيلف فى اتجاه ؛ المفروض انه ده اتجاه التقب وفى الشنيور وفيه زرار بيعكس الاتجاه ده ؛ فنخلى بالنا انه اذا لاحظنا احنا وبنتقب انه التقب صعب نتاكد من وضع الزرار ده لانه ممكن كده الشنيور يتحرق .

    لكن احيانا بنحتاج احنا نعكس اتجاه الدوران فمثلا اذا فكينا مسمار برشام من مكانه و راس المسمار دخلت فى البنطه فعلشان تخرج بسهوله بنعكس الدوران ونضغط على راس المسمار فى اتجاه الخروج بمفك مثلا.

    وعلشان ندخل البنطه فى الشنيور بنستخدم حاجه اسمها - العصفورة – بنفتح بيها بدايه الشنيور وبعد دخول البنطه بنقفله تانى ونربط عليه كويس لان ممكن البنطه تفك وتسبب مشاكل.

    2. المسامير :- ومنها انواع





    ومع المسامير بنستخدم ادوات تانى زى

    3. المفك :- وده مع المسمار العادى والمسمار القلوظ بس لكل واحد نوع مفك لانى المفكات ديه منها انواع



    ونلاحظ انى الفرق بين مفك الصليبه و مفك العاده هو نهاية المفك او السن .

    4. مفتاح :- بنستخدمه للربط على الصاموله


    5. الزرديه :- و بنسخدمها فى خلع المسامير؛ ومنها اشكال كتير







    6. شريط قياس :- ده علشان نقيس بيه الابعاد



    7. ميزان الماء :- بنتاكد بيه ان السطح افقى و ده مهم لانه احيانا كتير بتكون فيه مشاكل بسبب ان السطح وضعه مائل



    8. المنشار اليدوى :- بنستخدمه فى قطع اجزاء من الامونيتال او الخشب





    9. الجاكوش



    10. سبلت بن (split pin ) :- وليه احجام مختلفه على حسب قوه الحركه اللى حينقلها وعلى حسب التقب اللى حندخله فيه .





    و بنستخدمه لربط حركة جزئين اسطوانين يعنى اذا كنا عايزين مثلا عمودين مجوفين يدوروا مع بعض فبنتقبهم الاتنين فى نفس المكان وندخل - السبلت بن - ده وبعد دخوله فى العمودين بنتنى اخره علشان نتاكد انه ميطلعش تانى , كده اذا دار العمود الاول بالتاكيد العمود التانى حيدور معاه ؛ وغالبا بنستخدم الموضوع ده فى ربط العجله بعمود الموتور او ربط بكره على عمود الموتور برده ؛ لانه دايما الموتور هوه مصدر الحركه اللى عايزين ننقلها .

    واحيانا الموتور يكون شغال لكن الحاجه اللى بننقلها الحركه ( زى العجله , البكره ) مش بتدور فى الحاله ديه نتاكد ان - السبلت بن – داخل مظبوط وبينقل الحركه .



    avatar
    المهندس حسين سيد
    عضو جديد
    عضو جديد

    ذكر عدد المساهمات : 1
    نقاط : 1
    تاريخ التسجيل : 02/09/2010
    العمر : 27

    رد: ادوات ميكانيكا

    مُساهمة من طرف المهندس حسين سيد في الخميس سبتمبر 02, 2010 11:27 am

    بارك الله فيكى
    avatar
    robocon
    عضو في روبوكون
    عضو في  روبوكون

    ذكر عدد المساهمات : 19
    نقاط : 1128
    تاريخ التسجيل : 17/08/2010
    العمر : 26
    الموقع : www.robocons.co.cc

    رد: ادوات ميكانيكا

    مُساهمة من طرف robocon في الخميس سبتمبر 02, 2010 11:53 am

    موضوع جميل جدا شكرا


    _________________



    لاتحسبوا أن الصمت ضعف او نسيان ، فالارض صامتة
    وفي جوفها بركان أن الصمت لغتي فاعذرني لقلة كلامي ... فسكوتي لايعني جهلي
    عما يدور حولي ولكن مايدور حولي لا يستحق الكلام



    avatar
    eng_heikal
    الكبير
    الكبير

    ذكر عدد المساهمات : 105
    نقاط : 2197
    تاريخ التسجيل : 15/08/2010
    العمر : 27
    الموقع : http://engineeringforall.0-up.com/

    رد: ادوات ميكانيكا

    مُساهمة من طرف eng_heikal في الخميس سبتمبر 02, 2010 5:44 pm

    بسم الله ما شاء الله


    _________________
    avatar
    Eng MBH
    مدير
    مدير

    ذكر عدد المساهمات : 98
    نقاط : 2213
    تاريخ التسجيل : 15/08/2010
    العمر : 27

    رد: ادوات ميكانيكا

    مُساهمة من طرف Eng MBH في الخميس سبتمبر 02, 2010 6:56 pm

    بسم الله الرحمن الرحيم

    بارك الله فيك يا بشمهندسة

    بس ياريت توضحي السبليت بن أكتر لأني مفهمتهاش

    و جزاك الله خيرا


    _________________

    reham mustafa
    عضو في روبوكون
    عضو في  روبوكون

    انثى عدد المساهمات : 10
    نقاط : 21
    تاريخ التسجيل : 25/08/2010
    العمر : 28

    رد: ادوات ميكانيكا

    مُساهمة من طرف reham mustafa في الخميس سبتمبر 02, 2010 8:32 pm

    السلام عليكم ورحمه الله وبركاته
    السبلت بن ده وسيله بنثبت بيها حاجه مع حاجه او ننقل حركه دورانيه من حاجه لحاجه تانى
    فدايما اللى بننقل منه الحركه هوه الموتور اما اللة بتتنقله الحركه ممكن تكون اكتر من حاجه زى مثلا
    ازاى ننقل الحركه من الموتور للعجله علشان نخلى الروبوت يمشى على حسب اوامر المتحكم
    الموتور ده فى النهايه عمود بيلف وبس
    بيقى العمود ده لازم اخد من الحركه بحاجه
    فى التصميم الميكانيكى ممكن ننقل الحركه باكتر من وسيله اولها حاجه اسمها coupling
    بس فى روبوكون بنستخدم السبلت بن علشان هوه يعتبر اسهل حاجه
    فعلشان ناخد الحركه من عمود الموتور بدخل فيه او عليه بمعنى اصح الحاجه اللى عيزين ننقلها الحركه
    فى الوضع ده لو حركنا عمود الموتور الحاجه بتعتنا مش حتتحرك ليه لان العمود حيتحرك جواها
    علشان كده بجيب السبلت بن وادخله -لو تخيلنا -من فوق بحيث ينزل للنهايه وكده عدى فى الحاجه بتعتنا وفى عمود المتور
    دلوقتى لو اتحرك عمود الموتور حيتحرك الجزء اللى فوقيه لانه بينهم حاجه وسيطه وهى السبلت بن
    وديه صور توضح اكتر من الكلام




    فى الصورتين دول هو مستخدم السبلت بن علشان يمنع الصاموله والورده تخرج من مكانها

    يعنى اللى احنا بنعمله فى روبوكون لو تخيلنا الصوره ديه بس نخلى السبلن بن يدخل فى الجزء المربع كده اذا لف العمود حيلف معاه الجزء المربع وده اللى احنا عيزينه .
    _______________________
    بالنسبه لموضوع الاشراف بعتذر عنه افضل ان المجموعه تبقى من غير مشرف لحد الدراسه وسعتها باذن الله حيبقى فى ناس كتير تقدر على الموضوع ده .
    avatar
    Eng MBH
    مدير
    مدير

    ذكر عدد المساهمات : 98
    نقاط : 2213
    تاريخ التسجيل : 15/08/2010
    العمر : 27

    رد: ادوات ميكانيكا

    مُساهمة من طرف Eng MBH في الخميس سبتمبر 02, 2010 8:36 pm

    شكرا يا بشمهندسة

    الصور دي وضحت أكتر


    _________________
    avatar
    eng_heikal
    الكبير
    الكبير

    ذكر عدد المساهمات : 105
    نقاط : 2197
    تاريخ التسجيل : 15/08/2010
    العمر : 27
    الموقع : http://engineeringforall.0-up.com/

    رد: ادوات ميكانيكا

    مُساهمة من طرف eng_heikal في الجمعة سبتمبر 03, 2010 10:20 pm

    شكرا ليكي علي الصورة الاخيرة وجزاكي الله كل خير


    _________________

    Fares Elsaraab
    عضو في روبوكون
    عضو في  روبوكون

    ذكر عدد المساهمات : 57
    نقاط : 58
    تاريخ التسجيل : 13/10/2010
    العمر : 27
    الموقع : شمال غرب الجنوب على طول...اول شمال على ايدك اليمين بالضبط...

    رد: ادوات ميكانيكا

    مُساهمة من طرف Fares Elsaraab في الجمعة أكتوبر 15, 2010 10:52 pm

    معلومات شيقة...بارك الله فيكي يا بشمهندسة وجزاكي كل خير...

      الوقت/التاريخ الآن هو الخميس نوفمبر 23, 2017 2:45 am